Ernie Alterado manok ni Baste isip kapitan sa Governor Duterte, Agdao

Gipili ni Davao City mayor Sebastian Baste Duterte si Ernie Alterado isip kapitan nga gisuportahan niini sa Barangay Governor Duterte, Agdao, Davao City.

Isa si Alterado, kanhi kapitan sa Governor Duterte sa tulo ka termuno nga giimbitahan ni Baste para sa usa ka pictorial para sa umaabot nga Barangay ug Sanguginiang Kabataan eleksiyon karong Octubre 30.

Gipili ni Baste ni Ernie Alterado isip pambato sa maong barangay tungod sa daghang nabuhat niini nga kaayuhan sa Governor Duterte katong kapitan pa kini.

Halos tanang dagkong infrastraktura nga natagamtaman sa mga residente sa Governor Duterte gikan sa paningkamot ni Alterado katong siya pa ang kapitan sa maong barangay.

Natagamtaman sad ug kahapsay ug kalinaw ang barangay sa termino ni Alterado.

Gipili sab ni Baste si Ernie Alterado isip suportadong kandidato sa Governor Duterte kay dugay na kining taga suporta sa pamilyang Duterte.

Si Alterado nga kasamtangang kagawad sa Governor Duterte malipayon sa suporta ni Baste ug nag-ampo kini nga mahibalik isip kapitan sa maong barangay aron mapadayon niya ang mga nindot niini nga proyekto ug plano sa barangay.

Singgit sa katawhan niaghnat kang Ernie Alterado nga modagan isip kapitan sa Governor Vicente Duterte, Agdao

 

Isa sa mga bog-at nga rason nga nidagan pag-usab pagka kapitan sa Barangay Governor Vicente Duterte, Agdao ni Kanhi kapitan Ernie Alterado mao ang singgit sa katawhan nga pabalikon kini sa kanhi niini nga puwesto sa barangay.

Sa pakighinabi sa Latest Davao News gisaysay ni Alterado nga kasamtangang kagawad sa Governor Vicente Duterte, Agdao nga daghang residente sa iyahang barangay ang niduol ug niaghat kaniya nga modagan pag-usab isip kapitan sa ilahang barangay.

Matud ni Alterado nga nagdesisyon sab kini nga modagan usab isip kapitan aron ihatag ang tanang serbisyo sa gobyerno sa katawhan.

Mahinumduman nga nahimong kapitan sa Barangay Governor Vicente Duterte ni Alterado sukad niadtong 2007 hangtud 2018.

Sa tulo niini ka termino nga kapitan daghan kining nahimong proyekto nga nakatabang gayud sa katawhan sa iyahang barangay sama nga infrastraktura og livelihood.