Pulong Duterte gipili si Bendor Calamba isip kandidato pagka-kapitan sa Barangay Talomo Proper

 

Human kay Bise Presidente Sara Duterte, Davao City mayor Baste Duterte ug PBA partylist congresswoman Migs Nograles, si Davao City first district congressman Pulong Duterte na usab ang nag endorso sa kandidatura ni Bendor Calamba isip kapitan sa Barangay Talomo Proper.

Dili palang dugay sulod mismo sa opisina ni Pulong gihimo ang pag endorso sa kongresista sa gimahal nga kapitan sa Barangay Talomo Proper.

Tanan dagkong pulitiko sa unang distrito sa Davao City ni-endosar sa pagkandidato ni Calamba kay kabalo sila nga motrabaho kini ug daghang nahimong maayo ug kabag-ohan sa pinalanggang barangay niini.

Ubos sa paningkamot ni Calamba nahatagan ang Baranga Talomo Proper ug duha ka mga barangay hall nga dakung tabang gayud sa mga residente.

Halos tanang kalsada usab sa Barangay Talomo Proper ang na semento na tungod sa paningkamot ni Calamba ug tabang sa lokal ug nasyonal nga panggamhanan.

Sa pakigalayon sa lokal nga pulisya ug paningkamot sa mga barangay tanod naalibyuhan usab ang mga krimen sa maong lugar sa administrasyon ni Calamba.

Dagko, modernong sakyanan sa Barangay Talomo Proper dakong tabang sa mga residente

 

Isa sa mga dakung proyekto nga nakahatag ug tabang sa mga residente sa Barangay Talomo Proper ang mga sakyanan nga ginapagiya sa barangay.

Ubos sa liderato ni Bendor Calamba, kapitan sa Barangay Talomo Proper nakakuha ug daghang sakyanan ang barangay nga magamit niini sa unsa man nga emergensiya nga mahitabo.

Naay Patient Transport Vehicle (PTV) ang barangay nga magamit kung naay emergensiya nga medical nga mahitabo.

Kung naay residente nga nanginahanglang  dalhon sa ospital magamit dayon ang PTV sa barangay nga libre ug kini andam nga magamit sa mga residente 24/7.

Tungod sa paningkmot ni Calamba, naa say kaugalingong firetruck ang barangay nga magamit niini kung naay sunog sa barangay.

Nakaandam sad mo serbisyo ang Emergency Rescue Vehicle sa barangay.

Kung naay dakong baha usa ka higanteng truck sab ang andam nga motabang sa mga residente sa Barangay Talomo Proper.

Nahigauman sa Barangay Talomo Proper ang daghang sakyanan tungod sa maayong serbisyo nga gihatag ni Calamba sa katawhan.

Sukad nahatagan ug tsansa nga mahimong kapitan naningkamot gayud si Calamba nga ihatag ang tanang serbisyo sa barangay sa kinsakupan niini.