Kung mabuligan ug modaog isip kapitan sa Barangay Nanyo, Panabo City dakong parte sa administrasyon ni Engineer Art Davis ang mga mag-uuma ug senior citizens.
Si Davis nga ilado sa pagtabang dili lamang sa Barangay Nanyo kung dili sa laing parte sa Pilipinas usab nagplano nga mohatag ug ayuda sa agrikultura ug sa ubang pang sektor kung kini modaiog isip kapitan sa Barangay Nanyo.
Lako ang panglantaw ni Davis sa mga mag-uuma kay kabalo kini unsa sila ka importante sa ekonomiya sa Pilipinas.
Pinaagi sa tabang sa mga higalang pulitiko ni Davis sama ni Bato dela Rosa, senador nga gikan sa Sta. Cruz, Davao del Sur mahatagan niya ug ayuda dili lamang ang agrikultura kung dili ang ubang sektor sa iyahang barangay usab.
Plano ni Davis nga magmugna ug mga economic activities susama sa mga kooperatiba ug paglungsad ug weekend night market ug market day sa Baranay Nanyo aron makahatag kini ug panginabuhian sa mga residente.
Maglantaw usab si Davis nga ang maong aktibidad maghatag usab ug kalambuan ug kalingawan sa tibuok barangay.
Usa sab sa mga plano ni Davis ang paghatag ug binulan nga medikal check-up ug tambal sa mga senior citizens labi na katong naay mga balatian.
Gusto usab ni Davis nga magbuhat ug modernong health center para sa mga residente sa Barangay Nanyo.
Buiot usab mokuha ni Davis ug emergency response ambulance nga adunay kompletong life support system aron magamit sa mga reesidente nga nanginahanglan ug atensiyong medical.
Maghatag usab ug dugang training ni Davis sa saktong paggamit sa handheld radio ug ubang kagamitan sa Barangay Emergency Response Program.
