Kapitan sa Barangay Mandug national awardee sa DILG Lupong Tagapamaya Awards

 

Isa sa ikaproud nato isip Dabawenyo ang pagdaog nato sa ikatulong puwesto sa gipahigayong Lupong Tagapamayapa national awards nga gipanguluhan sa Department of Interior and Local Government niadtong 2012.

Sa tibuok nasud sa Pilipinas nakuha nato ang ikatulong puwesto pinaagi sa Barangay Mandug, Buhangin, Davao City nga atong pambato sa maong indigay nga gipangunahan ni Rey Ototan ang barangay kapitan sa Barangay Mandug niadtong 2012.

Nakuha sa Barangay Mandug ang tsansa nga modala sa bandila sa Davao City sa national human kini modaug sa lokal nga indigay sa DILG niadtong 2012.

Matud pa ni Ototan sa pakighinabi sa Latest Davao News nga paglingkod niini isip kapitan sa Barangay Mandug niadtong 2010 isa sa mga ginatutukan niini ang pagresolba sa mga kaso sa barangay aron dili na kini mosampot pa sa korte.

Gidugang ni Ototan nga malipayon kini nga nakita sa DILG sa lokal ug nasyunal ang ginahimo niini sa barangay mao nga nidaug kini sa indigay sa pinakamaayong Lupong Tagapamayapa sa tibuok Pilipinas.

Sa mga wala nakabalo ang Lupong Tagapamaya ang gitahasan sa barangay aron resolbahon ang mga bangi sa barangay aron dili na kini mosampot pa sa korte.

Si Ototan nga kasamtangan pang Kapitan sa Barangay Mandug malipayon s maong award maski dugay na kini kay kini nagpamatuod nga maski gamay lamang iyahang barangay nakahatag kini ug garbo sa Davao City.

4th place finish sa Lupong Tagapamayapa contest 2022 sa DILG usa ka grasya sa Barangay Talomo

 

Gikunsidera ni Barangay Talomo captain Bendor Calamba ang pagkuha sa Barangay Talomo sa ikaupat nga puwesto sa gipahigayong Lupong Tagapamayapa contest sa Department of Interior and Local Government niadtong 2022 nga usa ka grasya ug makonsiderang garbo sa tibuok barangay.

Matud pa ni Calamba nga wla sila nagdahom nga maapil sa top five sa maong endigay nga gilangkuban sa 182 barangays sa siyudad sa Dabaw.

"Wla dyud ta mag expect nga maapil ta sa top five mao usa kini sa blessing sa Barangay Talomo," pamahatag ni Calamba.

Gidugang ni Calamba nga nakasulod unta sa top three ang Barangay Talomo pero nakulangan sila ug ubang dokumento mao nahagbong sila sa ikaupat nga puwesto.

Gi explikar ni Calamba nga naapil ang Barangay Talomo sa top five kay nakita sa taga DILG nga seryoso ug paspas mo resolba ang iyahang mga barangay sa mga kaso nga ginahusay sa barangay pinaagi sa Lupong Tagapamayapa.

Gisaysay ni  Calamba nga sukad niserbisyo siya isip kapitan sa Barangay Talomo ginapaningkamotan dyud niya nga maresolba tanang kaso nga ginadala sa barangay aron mabawasabn ang mga kaso nga ginahandle sa korte.

Ang plaque nga gihatag sa DILG sa Talomo isip fourth place maong indigay nagpakita usab nga epektibo si Calamba isip kapitan sa pagresolba sa mga kaso nga ginadala kaniya sa katawhan sa iyahang barangay.

Gisaysay pa ni Calamba nga maningkamot siya ug uban pang opisyales sa barangay mas dako pa nga puwesto ang makuha sa puwesto sa Barangay Talomo sa susamang indigay karong tuiga.