Modernong sakyanan sa Barangay Mandug dakong tabang sa mga residente

Isa sa mga dakung proyekto nga nakahatag ug tabang sa mga residente sa Barangay Mandug, Buhangin ang mga sakyanan nga ginapagiya sa barangay.

Ubos sa liderato ni Rey Ototan, kapitan sa Barangay Mandug nakakuha ug daghang sakyanan ang barangay nga magamit niini sa unsa man nga emergensiya nga mahitabo.

Naay Patient Transport Vehicle (PTV) ang barangay nga magamit kung naay emergensiya nga medical nga mahitabo.

Kung naay residente nga nanginahanglang  dalhon sa ospital magamit dayon ang PTV sa barangay nga libre ug kini andam nga magamit sa mga residente 24/7.

Tungod sa paningkmot ni Ototan, naa say kaugalingong firetruck ang barangay nga magamit niini kung naay sunog sa barangay.

Ang fire truck  nag hatod sad kini og tubig panahon nga taas ang hulaw nga nasinati sa upper purok.

Naa say backhoe ang barangay nga magamit pag desiltation sa kanal nga barado due to soil erosion.

Nakaandam sad mo serbisyo ang Emergency Rescue Vehicle sa barangay.

Kung naay dakong baha naay sakyanan sab ang andam nga motabang sa mga residente sa Barangay Mandug.

Nahigauman sa Barangay Mandug ang daghang sakyanan tungod sa maayong serbisyo nga gihatag ni Ototan sa katawhan.

Sukad nahatagan ug tsansa nga mahimong kapitan naningkamot gayud si Ototan nga ihatag ang tanang serbisyo sa barangay sa hinsakupan niini.

Kapitan sa Barangay Mandug national awardee sa DILG Lupong Tagapamaya Awards

 

Isa sa ikaproud nato isip Dabawenyo ang pagdaog nato sa ikatulong puwesto sa gipahigayong Lupong Tagapamayapa national awards nga gipanguluhan sa Department of Interior and Local Government niadtong 2012.

Sa tibuok nasud sa Pilipinas nakuha nato ang ikatulong puwesto pinaagi sa Barangay Mandug, Buhangin, Davao City nga atong pambato sa maong indigay nga gipangunahan ni Rey Ototan ang barangay kapitan sa Barangay Mandug niadtong 2012.

Nakuha sa Barangay Mandug ang tsansa nga modala sa bandila sa Davao City sa national human kini modaug sa lokal nga indigay sa DILG niadtong 2012.

Matud pa ni Ototan sa pakighinabi sa Latest Davao News nga paglingkod niini isip kapitan sa Barangay Mandug niadtong 2010 isa sa mga ginatutukan niini ang pagresolba sa mga kaso sa barangay aron dili na kini mosampot pa sa korte.

Gidugang ni Ototan nga malipayon kini nga nakita sa DILG sa lokal ug nasyunal ang ginahimo niini sa barangay mao nga nidaug kini sa indigay sa pinakamaayong Lupong Tagapamayapa sa tibuok Pilipinas.

Sa mga wala nakabalo ang Lupong Tagapamaya ang gitahasan sa barangay aron resolbahon ang mga bangi sa barangay aron dili na kini mosampot pa sa korte.

Si Ototan nga kasamtangan pang Kapitan sa Barangay Mandug malipayon s maong award maski dugay na kini kay kini nagpamatuod nga maski gamay lamang iyahang barangay nakahatag kini ug garbo sa Davao City.