Gipasidunggan Sa Davao City Tungod sa Maayong Buhat Sa Mga Pinireso Sa Davao city Jail

Sa lawom nga kasaysayan sa siyudad sa Davao pipila ka mga tawo ug organisayon ang gipasidunggan tungod sa maayo nilang binuhatan nga nakatabang sa mga Dabawenyo o siyudad.
Usa mga tawo nga nahatagan ug pasidungod sa siyudad mao si Ricky Umbana usa ka miyembro sa Couples for Christ (CFC) niining siyudad sa Davao.
Niadtong tuig 2012 nahatagan ug plaque si Umbana tungod sa maayo niining buhat sulod sa Davao City jail sa Barangay Maa, Davao City.
Gihatag mismo ni Davao City mayor Sarah Duterte ang maong plaque kang Umbana, CFC ug Gawad Kalinga tungod sa ilahang maayong binuhatan nga pagpatukod ug mga balay sulod sa prisohan sa mga babae diha sa city jail.
Dako ang nahimog tabang ni Umbana sa pagpatukod sa mga balay tungod kay Prison Ministry Coordinator kini sa CFC niadto pang tuig 2000.
Duol sa kasingkasing ni Umbana ang mga pinireso kay nagtuo kini nga pinaagi sa pagtabang kanila mahatagan niya kini ug mga maayong panlantaw sa kinabuhi taliwala sa ilahang kinabuhi isip priso.