Pagtabang sa Pobre Ug Pinireso Makalipay Sa Ginoo

Duha sa mga butang mga makapalipay sa Ginoo kung ang tawo motabang sa ubang tawo ug sa mga pinireso.
Sa Barangay Maa, Davao City, usa si Ricky Umbana sa mga tawong nahimo nang bokasyon sa kinabuhi ang pagtabang sa mga pobre ug mga pinireso sulod sa Davao City Jail sa Maa.
Sukad nga nahimong Prison Ministry coordinator of Couples for Christ sa Davao niadtong tuig 2000 hangtud sa kasamtangan, walay kahadlok si Umbana nga mosulod sa City jal aron lamang tabangan ang mga pinireso.
Nagadala kini ug mga gasa sa pinireso gikan sa Couples for Christ aron lamang mapalipay ug hatagan ug paglaum ang mga tawo sulod sa prisohan niing siyudad.
Pinaagi sa Christian Life Program (CLP) nga gimugna niini sulod sa prisohan naghang mga pinireso ang nagbag-o ug nahatagan ug paglaum ug bagong paglantaw sa kinabuhi.
Dili sab magpanuko si Umbana nga motabang sa mga tawo labi nang katong mga pobre kung mangayo sila ug panabang kaniya.
Tungod sa maayong ginabuhat ni Umbana sa katawhan sa iyahang baarangay malipayon nga naglantaw ang Ginoo sa mga ginabuhat niiningg tawhana nga walay duha-duha nga motabang sa mga tawong nangayo ug tabang.