Dili lalim ang kahimtang kung ikaw mapriso, tungod niini daghan mga pinireso ang nawad-an na ug paglaum sulod sa Davao City jail sa Baragay Maa, Davao City.
Taliwala sa kalisod sa kinabuhi sa mga prisohan suwerte gihapon ang mga pinireso sa mga tawong nitabang kanila aron mahimo silang madasigon sa ilahang kinabuhi.
Nahimo nang bokasyon sa kinabuhi ni Ricky Umbana ang pagtabang sa mga pinireso sulod sa Davao City jail.
Isip tsirman sa Archdiocesan Comission on Prison Welfare (ACPW) nagpahigayon kini ug livelihood training sa baking, laundry and detergent soap making, dishwashing soap, shampo, chlorox ug perfume making sa mga piniling pinireso sulod sa city jail.
Tungod sa kaayuhan nga gidala in Umbana sulod sa prisohan ubay-ubay ka mga pinireso ang nahaagan ug kalipay ug kahayag sa kinabuhi.
Mapasalamaton ang mga pinireso nga naay mga tao susama ni Umbana nga dili magpanuko nga motabang kanila sulod sa mga rehas nga bakal.
No comments:
Post a Comment