Serbisyong Tinuod Sa Mga Pinireso Sa Maa City Jail

Sa edad nga 59 masulti nato nga kontento na sa iyahang kinabuhi si Ricky Umbana, residente block 28, Lot 19, NHA, Maa, Davao City kauban sa iyang pamilya.
Si Umbana, nga lumad sa Barobo, Surigao del Sur usa sa mga tao nga nihatag sa iyahang oras ug serbesyo aron motabang sa mga pinereso suod sa Maa City Jail sa siyudad sa Davao.
Isip Prison Ministry coordinator of Couples for Christ sa Davao niadtong tuig 2000 hangtud sa kasamtangan, si Umbana ug iyahang mga kauban nakapatukod ug mga balay alang sa mga babaeng pinereso sa tabang usab sa mga non government organization.
Nakapatukod sad ug kapilya sulod sa City Jail ang grupo ni Umbana.
Nagpahigayon sad ug Christian Life Program (CLP) si Umbana sa mga pinereso aron mamahimo pa silang suod sa Ginoo.
Sa kasamtangan nagpadayon si Umbana sa pagserbisyo sa mga pinereso kay nagtuo kini ang mga pinireso nanginahanglan sad ug gugma ug tabang gikan sa mga taong gawas sa prisohan.