Buwan ng Wika sa Maa Christian Learning Center Nagmalampuson

Nahimong malampuson ang kuliminasyon sa selebrasyon sa buwan ng wika sa Maa Christian Learning Center bag-ohay pa lamang. Usa ka nindot ug alegring presentasyon sa sayaw ug kanta nga gipakita sa estudyante sa eskuwelahan sa Bugac, Barangay Maa sa nahuman nga kulminasyon sa Buwan ng Wika.

Nagpakita sa ilahang talento sa pagsayaw ug pagkanta ang mga estudyante aron ipabuhayag unsa kaimportante ang atong lingguahe nga Filipino sa atong kinabuhi. Tanan nga estudyante sa eskuwelahan gikan nursery hangtud grade six ang niapil sa gihimong programa sa eskuwelahan.

Puno ug kalipay dili lamang ang estudyante ug titser sa MCLC pati sab ang mga ginikanan tungod sa maayong presentasyon ang gipakita sa ilahang mga anak. Usa sa dili malimtan nga pasundayag sa programa ang balagtasan nga gisalmutan sa tulo sa estudyante sa grade six.

Sa nahimong balagtasan o debate gipakita ang importansiya sa atong wikang Filipino ug ang wikang Ingles. Dili sad malimtan ang shadow play nga gipakita sa piniling mga estudyante sa grade five.
Tungod sa malampusong kulminasyon sa Buwan ng Wika mapasalamaton kaayo si Edwin Zafra, administrador sa eskuwelahan sa mga esudyante, titser ug ginikanan sa ilahang presentasyon ug presensiya sa programa. Malaumon si Zafra nga pinaagi sa programa mas higugmaon pa sa mga kabataan ang atong lingguwaheng Filipino.