Southshield FC Kampeon Sa SOS Football Festival

Gipamatudan nasad sa Southshield Football Club nga isa sila sa mga maayong football tims sa Davao City human gibulsa ang kampeonato sa bagohay lamang nahuman nga SOS Football Festival sa Crocodile Park Football field.

Nakuha sa 8 and under sa Southshield ang kampeonato human gipildi ang Hyenas sa finals 3-0.
Ang 8 and under tim nga gi-coach ni Greg Napuran gilangkuban nila Jian Matthew Goyonan, Karlos Daniel Donado, Yuan Jacob Guingguing, Nigel Balagon, Rhythm Demecillo, Ruzhen Villarmia, Luiz Digman, John Narra, Anthony Elorde, Dwayne James Kierulf ug Luiz Arellano.

Nakuha sad sa 10 and under sa Southshield ang ikaduhang puwesto human kini napildi sa Rover Football Club 3-1. Si Charles Chiu ang naka-iskor sa inusarang puntos sa Southshield sa maong duwa pinaagi sa usa ka header. Ang 10 ang under tim nga gigiyahan ni Ronald Manabit gilangkuban sad nila Louiz Herrera, Zyk Lopez, Gerardo Coronado, Niel Imperial, Gelo Lacerna, AJ Guinguing, Devon Kierulf ug  Ej Cabiles.