Unom ka importanteng proyekto ang buot ipatuman ni Joy Scalercio kung modaog kini isip kapitan sa Barangay Communal, Buhangin karong Octubre 30 para sa Barangay ug Sanguniang Kabataan election.
Si Scalercio, misis ni kasamtanang kapitan sa Barangay Communal nga si Mark Galvez nisaad nga ipadayon niini ang programa sa inprastraktura sa mister niini labi na ang pagpasemento sa kadalanan sa maong barangay.
Mahinumduman nga sa duha ka termino ni Galvez isip kapitan sa maong barangay halos tanang purok sa iyahang barangay napa semento niini.
Buot sad ni Joy nga magmugna ug opisina nga moatiman sa sebisyong medial sa mga residente sa Barangay Communal sama sa hospital bills ug resita sa mga tambal.
Ang maong opisina naay sariling mga empleyado nga moatiman sa mga residente sa ilahang gikinahanglan nga serbisyong medical.
Gusto sab ni Joy nga maghimo ug emergency and security command center o mini 911 medical services sa iyahang barangay.
Buot sad magbutang ug CCTV sa kadalanan ni Joy kung mabuligan kini isip kapitan sa maong barangay.
Para sa seguridad sa katawhan sa Barangay Communal plano usab ni Joy ang pagbutang ug solar lights labi na sa lagyong bahin nga mga puroks.
Magmugna usab ug programang panginabuhian ni Joy labi na sa mga kababaihan ug persons with disability sa maong barangay.
Sumusuporta sab si Joy sa mga programa sa kabatanonan, LGBT, ug senior citizens.
Sa pakighinabi sa Latest Davao News gibutyag ni Galvez nga mopahuway una kini isip kapitan kay gusto niini mag focus sa neosyo ug pamilya niini.
Gisaysay niini nga kung modaug isip kapitan ang misis niini dako kining matabang sa mga residente sa Barangay Communal kay graduado kini sa kursong business administration.
Gidungag ni Galvez nga naay sariling panlantaw ug istilo ang misis niini nga makatabang gayud sa mga residente sa Barangay Communal.
No comments:
Post a Comment