Bendor Calamba nangayog tubag sa DSWD kung angay bang mohatag ug certiticate of indigency sa residente sa Barangay Talomo Proper karong panahon sa eleksiyon

Nangayog tubag sa Department of Social Welface and Development sa rehiyon 11 si Bendor Calamba, kapitan sa Barangay Talomo Proper kung angay ba mohatag ug cetificate of indegency ang barangay sa nangayo niini aron makakuha ug payout sa AICS program sa ahensiya karong panahon sa eleksiyon.

Nagpadala ug suwat kang DSWD 11 regional director Atty. Vanessa Goc-ong si Calamba pinetsahan Octubre 18 aron mahatagan siya ug giya ug dili makalapas sa balaod kay ang ang paghatag ug ayuda pinaagi sa AICS kasamtangang gisuspende sa Comelec tungod sa eleksiyon kay bawal kini.

Buot masayod si Calamba kung naa bay exception ang AICS payout sa DSWD sa kasamtangang Comelec ban.

Ang suwat ni Calamba tubag sad kini sa espekulasyon nga dili mohatag ug cetificate of indegency ang barangay ug ginagamit kini sa pulitika  sa mga kaatbang ni Calamba para sa umaabot nga eleksiyon.

Ang Barangay Talomo Proper andam kanunay mohatag sa maong dokumento kung wala kini nakalapas sa balaod karong eleksiyon.

Malipayaon karon si Calamba kay giindorso kini sa pamilyang Duterte karong eleksiyon 2023.

Tanan dagkong pulitiko sa sa Davao City ni-endosar sa pagkandidato ni Calamba kay kabalo sila nga motrabaho kini ug daghang nahimong maayo ug kabag-ohan sa pinalanggang barangay niini.

Ubos sa paningkamot ni Calamba nahatagan ang Baranga Talomo Proper ug duha ka mga barangay hall nga dakung tabang gayud sa mga residente.

Halos tanang kalsada usab sa Barangay Talomo Proper ang na semento na tungod sa paningkamot ni Calamba ug tabang sa lokal ug nasyonal nga panggamhanan.

Sa pakigalayon sa lokal nga pulisya ug paningkamot sa mga barangay tanod naalibyuhan usab ang mga krimen sa maong lugar sa administrasyon ni Calamba.