Sa unang adlaw sa kampanya para sa Barangay ug Sangguniang Kabataan election karong Octubre 30, nilihok dayon ang team ni Roger Galido, kandidato sa pagka kapitan sa Barangay San Antonio, Agdao sa pangampanya sa ilahang kabarangay.
Nag motorcade ug handshaking dayon si Galido sa iyahang kabarangay sa unang adlaw sa kampanya niadtong Octubre 19.
Unobanan sa iyahang team gilibot ni Galido, kanhi sa kapitan sa Barangay San Antonio ang mga puroks sa ilahang barangay.
Si Galido nga kasamtangang Kagawad sa Barangay San Antonio lipay kaayo sa suporta nga gipakita kaniya sa katawhan sa Barangay San Antonio.
Ang numero unong rason nganong niabot ug 29 katuig ang panerbisyo ni Galido sa katawhan sa Barangay San Antonio, Agdao mao ang pagka relihiyoso ug mainanpoon niini sa Ginoo.
Sukad nabuligan si Galido nga makapanerbisyo sa katawhan isip opisyal sa barangay niadtong 1994 hangtud karon, ginagahinan na dyud niini ug panahon ang pag-ampo ug pagtabang sa simbahan ug kapilya sa Barangay San Antonio.
Nituo si Galido nga grasya gikan sa kahitasan ngano naa kini sa katunganan hangtud karon mao gihatagan niini ug importansiya ang paggahin ug oras para sa Kahitasan.
Mahihumduman nga nagsugod ug panersbisyo sa katawhan sa Barangay San Antonio ni Galido niadtong 1994 isip barangay kagawad.
Matud ni Galido wla niya giplano nga mosulod sa pulitika kay ang plano lamang niini mahimong elektrician isip graduado kini sa kursong electrical engineering.
Pero naay lain plano ang Ginoo kaniya mao nga giimbita kini sa iyahang mga silingan nga modagan isp kagawad niadtong 1994.
"Wla ko kabalo sa rason ngano padaganon ko isip kagawad siguro nakita nila nga aktibo ko sa sports ug matinabangon," saysay ni Galido.
Gidawat niini ang hamon ug nidagan siya isip kagawad niadtong 1994.
Pinaagi sa tabang sa Ginoo ug sa iyahang mga silingan nagmadaugon si Galido ug nahimo kining kagawad sa tulo ka termino.
Pagkahuman sa tulo ka termino isip kagawad naningpalad kini isip kapitan ug nagmadaugon usab ug nahimo sad siya nga kapitan sa Barangay San Antonio sa sulod sa tulo ka termino.
Sukad 1994, nanerbisyo na si Galido sa katawhan sa Barangay San Antonio sulod sa 29 ka katuig.
Sa kasamtangan number 1 kagawad si Galido sa iyahang barangay ug ang pagsalig sa katawhan kaniya nagpabilin hangtud karon.
Sa kadugayon nga panersbisyo ni Galido ni katawhan sa Barangay San Antonio makita halos tibuok parte sa maong barangay ang nahimo niini sa peace and order ug inprastratura.
Ang mga sementadong karsada ug ang barangay hall bunga kana sa paningkamot ni Galido.
Sa panahon niya isip kapitan sa Barangay San Antonio natagamtaman sad sa katawhan ang kahapsay ug kalinaw kay naka focus kini sa pagsumpo sa druga ug krimen.
No comments:
Post a Comment