Dili malimod nga isa sa mga barangay sa Davao City nga dako ug progreso ang Barangay Communal sa Buhangin district.
Daghan ang negosyante ang naingyanyo mo negosyo sa maong barangay tungod sa maayong panerbisyo nga gipakita sa mga kasamtangang opisyales niini sa barangay.
Matud ni Mark Galvez, kasamtangang kapitan sa maong barangay sayon lang ang proseso sa mga negosyanteng gustong magbubu ug kapital sa iyahang barangay.
Gidungag ni Galvez nga kung kompleto na ang papeles sa negosyante pirmahan dayon niya kini aron makasugod dayon sila ug negosyo sa Barangay Communal.
Gisaysay ni Galvez nga sugod nahimo kining kapitan sa Barangay Communal isa sa mga prioridad niini ang pag-imbita ug mga negosyante nga magnegosyo sa iyahang barangay.
"Ang mga negosyante ang nagahatag ug progreso ug trabaho sa barangay," saysay ni Galvez.
Kada negosyante nga mosulod sa iyahang barangay isa lang ang iyahang ginahangyo nga hatagan ug trabaho ang taga residente sa Barangay Communal.
Malipayon si Galvez nga daghang residente sa Barangay Communal ang nahatagan ug trabaho sukad nahimo kining kapitan sa maong barangay.
Daghan negosyante ang musolod sa Barangay Communal dili lamang tungod sa maayong serbisyo sa mga opisyal kung dili tungod sa kahapsay ug kalinaw sa lugar.
Isa sa mga ginatutukan ni Galvez sa administrasyon niini ang peace and order aron maprotektahan ang mga residente ug mouswag ang barangay.
"Kung kriminal ka dili ka welcome sa Barangay Communal," pahimangno ni Galvez.
Aron madasig ang mga barangay tanods nga moserbisyo sa katawhan gipalitan niya sila ug maayong sakyanan nga murag mobile car dyud sa Philippine National Police.
Gisaysay pa ni Galvez na naningkamot gayud kini nga mapatuman ang kahapsay ug kalinaw sa iyahang barangay dili lamang aron protektahan ang mga yanong mga residente pati nasab ang mga prominente ug retiradong mga opisyal sa pulis ug militar nga nanimuyo sa iyahang barangay.
No comments:
Post a Comment