Mga sakyanan sa Barangay Communal dakong tabang sa mga residente

Isa sa mga dakung proyekto nga nakahatag ug tabang sa mga residente sa Barangay Communal, Buhangin ang mga sakyanan nga ginapagiya sa barangay.

Ubos sa liderato ni Mark Galvez, kapitan sa Barangay Communal nakakuha ug daghang sakyanan ang barangay nga magamit niini sa unsa man nga emergensiya nga mahitabo.

Naay Patient Transport Vehicle (PTV) ang barangay nga magamit kung naay emergensiya nga medical nga mahitabo.

Kung naay residente nga nanginahanglang  dalhon sa ospital magamit dayon ang PTV sa barangay nga libre ug kini andam nga magamit sa mga residente 24/7.

Tungod sa paningkmot ni Galvez, naa say kaugalingong firetruck ang barangay nga magamit niini kung naay sunog sa barangay.

Nakaandam sad mo serbisyo ang Emergency Rescue Vehicle sa barangay.

Kung naay dakong baha naa say rescue vehicle ang barangay nga andam nga motabang sa mga residente sa Barangay Communal.

Nakuha sa Barangay Communal ang daghang sakyanan tungod sa maayong serbisyo nga gihatag ni Galvez sa katawhan.

Sukad nahatagan ug tsansa nga mahimong kapitan naningkamot gayud si Galvez nga ihatag ang tanang serbisyo sa barangay sa kinsakupan niini.