Daghang residente nahatagan ug trababaho sa mga kompanya sa Barangay Communal

Daghang mga residente sa Barangay Communal, Buhangin, Davao City ang nahatagan ug libreng trabaho sa mga kompanyang nisulod ug nag negosyo sa maong barangay sa ikaduhang distrito.

Matud ni Mark Galvez, kasamtangang kapitan sa Communal nga kada kompanya nga mosulod sa iyahang barangay ginahangyo niya kini nga mokuha ug trababahante nga residente sa Barangay Communal.

"Kung naa aplikante nga taga gawas ug residente sa Communal ug pareho ra sila ug qualitication mas maayo kung taga Communal na ang i hire," saysay ni Galvez sa pakighinabi sa Latest Davao News.

Gidungag ni Galvez nga sa iyahang administrasyon naningkamot kini nga daghang negosyante ang musulod ug magbubu ug negosyo sa Barangay Communal.

"Kung kompleto imong mga requirements isip negostante nga magnegosyo sa Barangay Communal ako dayon kining pirmahan pero hangyo lang nako nga mukuha mo ug trabahante nga taga Barangay Communal," dugang ni Galvez.

Tungod sa maayong serbisyong gipakita sa kasamtangang opisyal nga gipanguhahan sa kapitan niini nakakuha ug daghang awards ang Barangay Communal, Buhangin.

Kasagaran sa mga awards nga nadawat sa Barangay Communal mahitungod sa peace and order kay isa kini sa nag-unang programa sa administrasyon ni Galvez.

Matud ni Galvez sa pakighinabi sa Latest Davao News nga ginatutukan niini ang peace and order kay walay progreso mahitabo sa usa ka lugar kung gubot kini ug walay krimen.

Gidungag ni Galvez nga malipayon kini nga sa iyahang paningkamot inubanan sa laing opisyales sa iyahang barangay ug barangay tanods naay kahapsay ug kalinaw ang iyang barangay.

"Kung kriminal ka dili ka welcome sa Barangay Communal," pahimangno ni Galvez.

Aron madasig ang mga barangay tanods nga moserbisyo sa katawhan gipalinan niya sila ug maayong sakyanan nga murag mobile car dyud sa Philippine National Police.

 

Gisaysay pa ni Galvez na naningkamot gayud kini nga mapatuman ang kahapsay ug kalinaw sa iyahang barangay dili lamang aron protektahan ang mga yanong mga residente pati nasab ang mga prominente ug retiradong mga opisyal sa pulis ug militar nga nanimuyo sa iyahang barangay.