Buot hatagan ug kalambuan ni Arturo "Art" Davis ang Barangay Nanyo, Davao City aron matagamtaman sa mga monolupyo diri ang tinuod nga serbisyo gikan sa gobyerno.
Si Davis modagan isip kapitan sa maong barangay aron maghatag ug tinud-anay nga serbisyo publiko sa mga residente sa Barangay Nanyo.
Isip monolupyo sa maong barangay dugay ug daghang nang natabang si Davis sa mga residente nga moduol kaniya aron mangayo ug batang labi na sa aspetong medical.
Sa pagtabang ni Davis sa mga residente nabati niini nga mas maayo pahalapdan pa niya ang tabang pinaagi sa pagdagan isip kapitan sa maong barangay.
Kung mabuligan si Davis nga modaog isip kapitan sa maong barangay dako kining matabang sa maong barangay.
Sa kasamtangan dili lamang engineer ug negosyante si Davis kung dili parte sad kini sa staff ni senador Koko Pimentel ug nahimong kabahin sa paghatag ug tabang sa katawhan sa daghang lungsod sa Pilipinas.
Kung modaog isip kapitan plano ni Davis nga mangayo ug proyekto kang Pimentel nga makatabang sa residnete sa Barangay Nanyo.
Daghan sad amigo nga pulitiko ni Davis ug buot sad niya kining pangayuan ug proyekto aron magpalambo sa iyahang pinalanggag barangay.
Nanghinaut si Davis nga buligan siya sa katawhan sa Barangay Nanyo aron mahatagan niya ug Kabag-uhan ug kalambuan ang iyahang barangay.
No comments:
Post a Comment