Ang tulo ka medical mission nga gipahigayon sa Barangay Talomo dakong tabang sa mga residente sa maong lugar.
Matud ni Bendor Calamba, barangay kapitan sa Barangay Talomo Proper dakong tabang ang nahimong medical missions sa iyahang barangay kay nakapakunsulta ug libre sa mga doktor ang residente sa barangay.
Gisaysay ni Calamba sa Latest Davao News nga dili lamang kunsulta ang ginahimo sa medical missions sa iyahang barangay kung dili naghatag usab kini ug libreng tambal, ibot sa ngipon ug payonng legal.
Dili pa lamang dugay niadtong Septembre 16, nagpahigayon ug medical mission ang PBA Partlist kauban si Calamba sa maong barangay.
Sa maong medical mission, nanghatag ug libreng medical consultation, ibot sa ngipon, medisina ug payong legal sa mga residente.
Gibutyag ni Calamba nga usa sa mga prioridad sa iyahang administrasyon ang paghatag ug serbisyong medical sa katawhan.
Matud ni Calamba nga naay pondo ang iyahang barangay sa paghatag ug libreng medisina sa katawhan nga moadto sa barangay hall.
Sukad nahimong kapitan sa barangay naandan nasad ni Calamba nga motabang sa mga residente nga nanginahanglan ug tabang medical.
No comments:
Post a Comment