Isa sa mga butang nga ikalipay ug ipagarbo sa mga residente sa Barangay Talomo Proper ang kamatuoran nga ang opisina sa barangay kagawad sa maong lugar ang pikadako sa siyudad sa Dabaw ug posible sa tibuok Mindanao usab.
Natud ni Bendor Calamba, kasamtangang kapitan sa Barangay Talomo Proper nga siya mismo ang nangunay sa pagpahimo ug dakong opisina sa barangay kagawad sa iyahang lugar aron makapanerbisyo sila ug mas maayo sa ilahang kabarangay.
Gisaysay ni Calamba nga tanan barangay kagawad sa Barangay Talomo Proper naay opisina maski paman uban kanila wala nisuporta kaniya.
Gidungag ni Calamba nga ang guapo nga opisina sa mga barangay kagawad nagpakita usab up respeto sa bulahaton nila isip tigpanday ug balaod sa barangay.
Kung malipayon ang mga kagawad sa ilahang opisina, ang mga residente usab sa Barangay Talomo dako usab ug kalipay kay dako ug komportable ang duha ka sa barangay hall sa maong barangay nga nahimutang sa Talomo Proper ug Royal Valley, Bangkal.
Isip usa ka propesyonal nga elektrikal engineer, gihimo dyud nga dako ug komportable ni Calamba ang barangay hall aron makaserbisyo sila ug maayo sa ilahang kabarangay.
Sa barangay hall sa Talomo Proper, dili maulaw ang residente nga moadto aron mangayo tabang or mokuha ug mga dokumentong legal kay naa man silay malingkoran sa maong gambalay.
Naa say mga staff ang maong barangay hall nga moabi-abi kanila kung unsa man ang tuyo nila.
Dako usab ug tabang ang satellite barangay hall sa Royal Valley kay makatipid ug plete ang monulupyo sa maong lugar kay dili na sila moadto sa Talomo Proper aron makakuha ug dokumentong legal o mangayo ug tabang sa barangay.
Malipayon si Calamba nga naserbisyohan nila ug tarong ang taga Barangay Talomo proper pina-agi sa barangay hall ug dako nga opisina sa mga barangay kagawad.
No comments:
Post a Comment