Waling-Waling dakong tabang aron maresolba ang away pamilya sa Barangay Communal

 

Isa sa mga tahas sa usa ka kapitan sa barangay ang pag resolba sa mga away pamilya sa iyahang gingsakupan.

Sa Barangay Communal, Buhangin, Davao City ang atong national nga buwak nga Waling-Waling dakong tabang aron masulbad ang away sa  mga adunahang pamilya sa nga nagpuyo sa usa ka subdivision sa maong barangay sa ikaduhang distrito ning siyudad.

Matud ni Mark Galvez, kapitan sa Baranay Communal naay mudool kaniya nga nga pamilya aron magpatabang kay nagkabangi sila tungod lamang nga naaksidenteng naigo sa bola sa basketbol nga ginaduwaan sa mga bata ang waling-waling sa usa ka subdivision.

Isip usa ka kapitan, matud ni Galvez siya na mismo ang maghimo ug lakang aron maresolva ang gubot aron dili na kini mohantong pa sa korte.

Usa sa mga lakang nga iyahang ginahimo ang pagpalit ug waling-waling gamit ang sarili niyang kuwarta aron ihatag sa tag-iya sa waling-waling aron dili na kini mopasaka ug kaso sa korte.

"Ako silang ingnan nga naa koy daghan waling-waling nga mahatag nila pero wala gud mopalit ra ko aron lamang dili na modako ang bangi nila," saysay ni Galvez sa Latest Davao News.

Ginaestoryahan sad niya ang mga Pinay nga misis nga asawa sa mga foriegner nga kasagaran mga tag-iya sa waling-waling nga dili na lang padakoon ang isyu kay puro man sila Pilipino ug mga pobre una sila nahimong adunahan pag-asawa nila sa foriegner.

Matud ni Galvez gikondera niya nga dakong kapildhan isip kapitan kung dili niya maresolba ang away sa iyahang kabarangay ug mosangkot kini sa korte.

"Pagmakita na sa nagreklamo ang giandam nako nga waling-waling malipay na kini ug pasayloon na ang kabangi niini," dugang ni Galvez.