Sa kasamtangan niyang edad nga 55, makondesidera ni Roger Galido kagawad sa Barangay San Antonio, Agdao nga retirado na kini sa pulitika ug humanon nalang niini ang kasamtangang termino isip kagawad.
"Graduate na akong mga anak nag kagawad naku ug nahimo pa gyud nga kapitan sa three terms so ready na unta ko moretiro sa pulitika," saysay ni Galido sa pakighinabi sa Latest Davao News.
Gisaysay ni Galido nga dili na unta kini modagan karong tuiga pero daghang tao sa Barangay San Antonio nihangyo kaniya nga modagan pag usab isip kapitan sa ilahang barangay.
Gibutyag ni Galido nga amigo niini ang kasamtangang kapitan sa iyahang barangay ug wala silay bangi niini.
Matud ni Galido nga kusog ang panawagan kaniya nga mobalik ug pagka kapitan sa Barangay San Antonio mao naaghat kini nga modagan pag-usab isip kapitan sa Barangay San Antonio, Agdao.
"Gusto sa tawo nga mobalik ko mao nagdesisyon ko nga modagan pag-usab isip kapitan," dungag ni Galido.
Kung buligan ug mahibalik siya isip kapitan gibutyag ni Galido nga hatagan niini ug pagtagad ang peace and order sa iyahang barangay labi nga naag siya nasagap nga balita nga nibalik nasab ang droga pagkawala ni Presidente Rodrigo Duterte sa puwesto.
Ang pagpatuman sa five-year development plan sa Barangay San Antonio usa sab sa mga proyekto ni Galido kung makabalik siya isip kapitan.
"Nakahan-ay na sa five-year development plan ang mga proyekto sa barangay sama sa pagpadak sa mga drainage kay permi ginabaha atong barangay," saysay ni Galido.
No comments:
Post a Comment