Ubay-ubay ka mga residente sa Barangay Talomo Proper ang naka benepisyo sa gipahigayong job fair sa Talomo Proper Barangay hall niadtong Setyembre 6-7.
Nidagsa ang mga residente sa maong barangay nga walay mga trabaho sa job fair nga gipasiugdahan ni Bendor Calamba, kapitan sa Barangay Talomo Proper.
Ang pag-mugna ug job fair usa sa mga kasamtangang programa ni Calamba aron mahatagan ug trabaho ang mga residente nga walay trabaho sa pakig-aluyong sa lokal nga kagamhanan ug Department of Labor and Employment.
Dli lang job fairs ang gihahimo sa Barangay Talomo Proper kung dili nagapahigayon usab ug livelihood training seminar si Calamba kauban ang PBA Party List ug TESDA.
Dakong tabang ang livelihood trainings sa mga residente kay dili lamang sila gitudluan unsaon pag negosyo kung dili hatagan usab sila ug ekipo sa TESDA nga magamit nila sa negosyo.
"Kung nag seminar sila sa welding hatagan sila ug welding machine sa TESDA," asoy ni Calamba.
Gitutukan ni Calamba ang livelihood training kay kabalo kini unsa ka importante ang panginabuhian sa katawhan.
Sukad nahimong kapitan sa maong barangay ni Calamba, ginatutukan na gayud niini ang livelihood aron maalibyuhan ang walay trabaho sa iyahang barangay ug mahatagan ug tiyansa ang mga residente nga gusto nga magnegosyo.
No comments:
Post a Comment