Ang Barangay Disaster Risk Reduction Management Committee (BDRRMC) sa Talomo Proper nipakita na usab nga ang ilahang training ug kahanas sa search and rescue usa sa pinaka maayo sa tibuok Pilipinas.
Kini napamatud-an sa gihimong Red Cross 143 Disaster Risk Reduction Camp 2023 niadtong September 7-11, 2023 sa BSP Camp, Malagos, Davao City.
Sa 30 ka mga barangay sa Davao City nga niapil sa among okasyon nakakuha ug duha ka award and BDRRMC sa Barangay Talomo Proper.
Nakuha sa BDRRMC sa Barangay Talomo Proper ang Best in Bandaging and Basic Life Support sa nahimong indigay sa maong training ug seminar nga gi-organisa Red Cross.
Puno ug kalipay ang mga residente ug opisyales sa Barangay Talomo Proper sa nakuhang award sa ilahang BDRRMC kay ang maong award nagpakita nga andam ang maong grupo sa unsa man nga disaster or emergencies ang maatubangan nila sa umaabot nga panahon.
Isa sa mga programang gitutukan ni Bendor Calamba, kapitan sa Barangay Talomo Proper ang paghatag ug dakong suporta pinaagi sa ekipo ug training sa BDRRMC aron makahimo sila sa ilahang trabaho ug maayo para sa katawhan sa Barangay Talomo Proper.
Sukad nahimong kapitan sa Barangay Talomo Proper ubay ubay na dyud ka mga disaster ug emergencies ang na respondehan sa kasamtangang miyembro sa BDRRMC sa Barangay Talomo Proper.
Tungod sa leadership ni Calamba abtik nga moresponde ang BDRRMC sa Barangay Talomo kung naa may nanginahanglan ug tabang nga mga residente sa maong lugar.
Aron makaresponde ug maayo ang BDRRMC sa Barangay Talomo Proper gihatagan ug sakto nga ekipo ug training ni Calamba ang naasoy nga grupo.
No comments:
Post a Comment