Ernie Alterado malipayon nga parte sa Davao Coastal Project ang Governor Duterte Agdao

 

Malipayon si Barangay Duterte, Agdao, kagawad Ernie Alterado nga kabahin ang iyahang barangay sa Davao Coastal Road Network.

Gisaysay ni Alterado sa Latest Davao News nga daghang manindahay sa iyahang barangay ang makabenepisyo sa Coastal road kung mahuman na parte niini sa iyahang barangay.

Gidungag ni Alterado nga dako sad ug tsansa nga mamahmong tourism area ang iyahang barangay kung mahuman na ang Coastal Road sa Barangay Duterte.

"Lipay kaayo ko nga naapil sa Coastal road ang Barangay Governor Duterte, Agdao," saysay ni Alterado.

Mapasalamaton sad si Alterado kang kanhi presidente Rodrigo Duterte sa pagmugna sa Coastal road kay dako kini ug tabang sa mga Dabawenyos labi na sa trapiko.

Isip barangay kagawad nagpadayon ug tabang si Alterado sa mga residente nga nangayo ug tabang kaniya.