2 ka misa gitambungan sa Team Abante Barangay Talomo Proper ni Bendor Calamba sa unang adlaw sa BSKE filing

 

Isip pagpakita unsa ka importante ang giya sa Ginoo sa kandidatura niya ug sa iyahang team, duha ka misa ang gitambungan ni Bendor Calamba, kasamtangang kapitan sa Talomo Proper una kini pormal nga ni file sa iyahang kandidura pagka kapitan na usab sa iyahang barangay sa Comelec sa unang adlaw sa Barangay ang Sangguniang Kabataan eleksiyon niadtong Agosto 28.

Gibutyag ni Calamba pinaagi sa giya ug grasya sa Ginoon andam na siya ug iyahang mga kaubanan nga magpapili ug usap aron manerbisyo sa mga residente sa Barangay Talomo Proper.

Matud ni Calamba giubanan siya ug mga incumbent nga kagawads ug masaligang kandidato sa SK sa iyahang tinguha nga manerbisyo ug usab sa Barangay Talomo Proper.

Gisaysay ni Calamba nga ang iyahang team karong eleksiyona modala sa slogan nga Abante Talomo ipadayon ang Kalambaoan nga nasugdan sa iyahang unang termino isip kapitan niadtong 2018.

Mahinonduman nga sukad nilingkod si Calamba isip kapitan sa Barangay Talomo Proper ubay ubay nga kalamboan na dyud ang makita sa isa ka mga dakong barangay sa siyudad sa Dabaw.

Halos tanan purok sa Barangay Talomo sementado na ug naa nay gym pinaagi sa paningkamot ni Calamba.

Ang nahimong duha ka barangay hall sa Barangay Talomo Proper ang makonsidera usab nga usa sa mga dakong proyekto ni Calamba nga nakatabang dyud ug dako sa iyahang kabarangay.

Pinaagi sa satellite barangay hall sa Royal Valley, Bangkal dili na mogasto ug pamasae ang mga mamumuyo sa maong lugar ig sigbit nga lugar aron lang mokuha ug dokumento o mangayo ug tabang sa barangay.

Ang pag-apil sa Barangay Talomo Proper isip isa sa mga barangay nga maagian sa Coastal road usa usab sa mga dakong nahimo ni Calamba sa iyahang barangay kay pinaagi sa coastal road mas nidali ang pagbyahe sa mga residente sa Talomo Proper sa centro sa siyudad.

Dili usab mabilang ang livelihood ug health proyeks ang napatuman sa administrasyon ni Calamba.

Tungod sa kaabtik usab ni Calamba nahatagan gayud ug daghang proyekto ang Barangay Talomo Proper gikan sa lokal ug nasyonal nga gobyerno.

Aron ma preserba ang kalamboan nga nahimo sa iyahang administrasyon ug aron maserbesyohan pa ug daghan ang taga Barangay Talomo Proper nagdesisyon siya nga modagan pag-usab isip barangay kapitan sa iyahang dapit ug malaumon siya sa tabang sa kahitasan ug kabarangay niini makabalik siya sa iyahang posisyon pagka human sa eleksiyon.