Gibutyag ni Barangay Talomo captain Bendor Calamba nga tungod sa political unity sa pamilyang Duterte ug Nograles dakong tabang ang nahatag niini sa iyahang pinalanggang barangay.
Matud pa ni Calamba nga tungod sa panaghiusa sa duha sa iladong pamilya sa pulitika sa siyudad sa Dabaw, nahatagan ug daghang proyekto ang Barangay Talomo nga nakabenepisyo sa mga residente niini.
Mapasalamaton usab si Calamba kang Vice president Sara Duterte, Davao City mayor Baste Duterte ug Davao City first district congressman Pulong Duterte sa ubay ubay nga proyekto nga gihatag nila sa Barangay Talomo bisan paman nga ilado siyang tagasuporta sa mga Nograles.
"Daghang nahatag nga proyekto ang mga Duterte sa Barangay Talomo sama sa mga infrastraktura, TUPAD ug livelihood projects," sulti ni Calamba.
Pinaagi sad sa PBA partylist ni congresswoman Migs Nograles nahatagan ug livelihood projects ang mga taga Talomo gikan sa TESDA.
"Nindot ang livelihood projects sa TESDA kay dli lamang ginatun-an nila unsaoon pagnegosyo kung dili nagahatag sad sila ug ekipo nga magamit sa mga graduates sa negosyo." pamahatag ni Calamba.
Gisulti ni Calamba nga tungod sa mga ekipo sama sa beauty kit, oven sa baking nga kurso ug welding machine maka negosyo dayon ang mo gradwar sa kurso sa TESDA.
Gibutyag pa ni Calamba nga nagpadayon gihapon ang gipanghatag nga scholarship sa buot moeskwela sa kolehiyo.
Naghinamhinam sab sa Calamba sa umaabot nga mga bulan kay daghan pang nga proyekyo ang mahuman nga makabenepisyo gayud sa mga residente sa Barangay Talomo.
No comments:
Post a Comment