Isa sa makonsederang legasiya ni Bendor Calamba sa panerbisyo isip kapitan sa Barangay Talomo Proper ang pagmugna ug duha ka barangay hall sa isa sa pinakadakong barangay sa siyudad sa Dabaw.
Matud ni Calamba dakong tabang ang duha ka barangay hall sa iyahang barangay nga nahimotang sa Talomo Proper ug Royal Valley Subdivision sa Bangkal ning siyudad.
Gibutyag ni Calamba nga tugod sa pagmugna sa satellite barangay hall sa Royal Valley ang mga residente sa among lugar ug kasigbit nga purok makaangkon ug dali nga serbisyo gikan sa Barangay Talomo Proper.
"Dili na mamasahe pa padung Talomo Proper ang taga Bangkal para lamang mokuha ug serbisyo sa barangay sama sa barangay clearance ug ubang legal bga dokumento gikan sa barangay," saysay ni Calamba.
Gidugang sad ni Calamba nga naa say barangay health center kilid sa Royal Valley barangay hall nga nagahatag ug serbisyong medikal sa mga residente.
Gisaysay sab ni Calamba nga naga pahigayon usab sila ug medical mission ug ubang pang panerbisyong gobyerno sa maong barangay.
Para sa mga residente sa Talomo Proper ug kasigbit nga purok ang original nga barangay hall mas nidako ug nanindot pa sukad nahimong barangay kapitan si Calamba.
Matud ni Calamba ang Talomo proper barangay hall makaserbisyo ug daghang tao ug nakahatag sad ug komportableng kahimtang sa mga residente nga naay tuyo sa barangay kay daghang silyang malingkuran.
Gipahambog sab ni Calamba nga ang Talomo Proper barangay hall lamang ang naay dakong opisina sa mga barangay kagawad sa tibuok 182 ka barangay niining siyudad.
"Maski dili taga suporta nako naay dakong opisina kay ang tumong nako sa paghimo ug opisina sa mga kagawad para makapanerbisyo sila ug tarong sa katawhan," butyag ni Calamba.
Sa kasamtangan matud ni Calamba, ginapadako pa ang barangay hall para mabutangan ug atop ang atubangan para mas makapanerbisyo pa ang barangay sa katawhan.
No comments:
Post a Comment