Kahusay ug Kalinaw mensahe ni Roger Galido sa Kadayawan 2023

 

Kahusay ug kalinaw sa siyudad ang usa sa mga mensahe ni Roger Galido, kanhi barangay kapitan sa Barangay Agdao, Davao City sa monolupyo sa siyudad sa Dabaw atol sa selebrasyon sa Kadayawan 2023.

Nangihinaut usab si Galido nga daghan pang turista ang mobisita sa siyudad dili lamang atol sa Kadayawan kung dili pati sad sa ubang okasyon.

Niadtong Agosto 16, Isip pahalipay ug tabang sa iyahang kabarangay nagpakaon sa tibuok adlaw ug nagpa concert pa dyud si Galido atol sa kapistahan sa San Roque sa iyahang barangay.

Si Galido nga usa karon nga kagawad sa Barangay San Antonio nibutyag nga tradisyon na niya nga magpakaon sa iyahang kabarangay kada piesta sa San Roque isip pasalamat ug tabang sa iyahang kabarangay.

Matud niya mosulod-gawas ang iyahang balay ang mga tao kada fiesta sa San Roque gikab sa buntag hangtud gabii.

Karong tuiga nagdasok gayod ang mga tao nga kanipiesta sa balay ni Galido isip timailan nga gihugma nila ang ilahang kanhi kapitan.

Isip pahalipay ug pasalamat nagpa concert usab si Galido sa iyahang kabarangay sa maong piesta.

Nanghatag usab ug libreng ice cream si Galido sa mga sa iyahang barangay sa susamang piesta.

Puno ug kalipay si Galido sa pagselebrar sa kapitastahan sa San Roque kay nakahatag kini ug kalipay sa iyahang ginaserbisyohang katawhan.