Pag preserba sa tradition, proteksiyon sa kinaiyahan ug panaghiusa mensahe ni Bendor Calamba sa 38th Kadayawan Celebration

 

Isip pag selebrar sa ika-38 nga Kadayawan sa siyudad sa Davao, nanawagan si Bendor Calamba, kapitan sa Barangay Talomo sa pag preserbar sa tradisyon sa mga lumad nga monolupyo sa siyudad sa Davao.

Isip usa ka opisyal sa barangay nanaad usab si Calamba nga ipadayon niini ang iyang advokasiya sa pag protekya sa atong kinaiyahan.

Nanawagan usab si Calamba ug panaghiusa sa tibuok residente sa Davao ug suportahan ang kagamhanang lokal sa mga proyekto niini para sa kaayuhan sa mga katawhan sa siyuad.

"As you dedicated public servant, I am committed to preserving our heritage, safeguarding our environment, and championing the aspirations of each and every one of you," saysay ni Calamba sa Facebook account niini.

Puno ang kalipay ang kasingkasing ni Calamba karong semahana kay bagohay pa lamang nakuha niini  ang endorsement ug pagsalig sa Bise Presidente sa Pilipinas ug kasamtangang secretary sa Department of Education nga si Inday Sara Duterte.

Walay duha-duha nga gitaas gayod ni VP Sara ang kamot ni Calamba isip opisyal nga manok niini sa umaabot nga Sangguniang Kabataan ug Barangay Elections karong Octubre sa Barangay Talomo.

Nahimo ang endorsement human magkita si Calama ug Duterte sa gipahigayong Brigada Eskwela sa  Gov Vicente Duterte High School sa Barangay Talomo.

Malipayon ug mapasalamaton si Calamba sa gihimong endorsement ni Duterte kay kini nagpamatood nga may salig kini sa iyahang administrasyon ug sa mga nabuhat niini sa Barangay Talomo isip kapitan.

"Gigasahan jud ta sa atong Ginoo karong adlawa kay Nahimamat nato si VP SARA DUTERTE atol sa brigada skwela sa Gov Vicente Duterte High School og walay pag duha duha iyang gi taas ang atong kamot timailhan sa iyang dakong suporta sa atoang administrasyon sa Brgy Talomo Proper!," matud ni Calamba sa iyahang post sa Facebook.

Gibutyag ni Calamba nga dugay na silang suod nga higala ni Duterte ug mapasalamaton kini sa mga proyektong nahatag sa opisina sa Bise Presidente sa mga residente sa Barangay Talomo.

Kung buligan nga modaog sa umaabot nga eleksiyon nagsaad si Calamba nga maghimo pa ug daghang mga proyekto nga maka benepisyo sa mga residente sa Barangay Talomo.