Ang maayong relasyon sa mga opisyal sa Barangay Talomo Proper ug Talomo Police station usa sa mga rason ngano naay hapsay ug kalinaw sa isa sa pinaka dakung barangay sa siyudad sa Dabaw.
Matud ni Bendor Calamba, nakig-alayon kini sa pulis loka aron maprotektahan ang taga Barangay Talomo Proper 24/7 ug aron sad masanta ang krimen sa iyahang barangay nga gilangkuban ug 80 ka maga purok.
"Tanan drug raids sa Barangay Talomo Proper ginasuportahan nato aron masumpo ang druga sa akong barangay," saysay ni Calamba.
Gidungag ni Calamba nga ang maayong lihok sa iyahang mga barangay tanod mao usad usa sa mga rason nga naay kahapsay ug kalinaw sa Barangay Talomo.
"Duha ka set akong mga tanod naay taga Talomo Proper ug sa Royal Valley, Bangkal," dungag ni Calamba.
Gibutyag ni Calamba nga kada gabii naga ronda ang mga barangay tanod sa Talomo proper ug Bangkal aron protektahan ang mga tao ug mga proyekto sa gobyerno.
"Naay sakyanan nga multi-cab ang mga tanod sa Barangay Talomo Proper," saysay ni Calamba.
Aron motrabaho ug tarong ang mga tanod gisaysay ni Calamba nga duha ka sueldo ang makuha sa tanod niya sa barangay ug sa siyudad sa Dabaw.
Gisulti usab ni Calamba nga nagaplano siya nga mopalit ug usa ka sakyanan nga murag patrol car sa mga pulis arond mahadlok dyud ang mga kriminal sa mga tanod sa Barangay Talomo Proper.
Gibutyag ni Calamba nga sa iyahang administrasyon usa sa mga prioridad niya ng hapsay ug kalinaw kay importante kaayo kini sa kinabuhi sa tao.
No comments:
Post a Comment